Tetë persona janë shoqëruar në Durrës për atentatin me tritol që u regjistrua mesditën e djeshme.
Në shënjestër ishte Aldi Mustafa, miku i Aleksandër Lahos, të njohur si “Rrumi i Shijakut”. Por të arrestuar nuk ka akoma.
Vetë Mustafa ka kyçur gojën duke mos folur për konflikte të mundshme. “Makinën e kisha parkuar natën përpara shtëpisë. Nuk e di kush mund ta ketë bërë” tha ai.
Makina e tij tip “Golf” u hodh në erë në lëvizje, pasi tritoli ishte vendosur në gomën e pasme.
Dyshohet se shpërthimi ndodhi me telekomandë në distancë, pasi autorët e kishin në ruajtje dhe ndjekje.
