Kryeministri Edi Rama ka reaguar pas lajmit se pronari i “Agon Channel” Françesko Beketi ka fituar përfundimisht gjyqin në Arbitrazh me Shqipërinë duke marrë 110 milionë euro.
Përmes Twitter-it, ai shprehet se kjo temë del në media sa herë që ka zgjedhje dhe thumbon opozitën por nuk sqaron se si do të mbyllet kjo histori që në fund e paguajnë taksapaguesit shqiptarë.
Para çdo fushate del që Beketi i dënuar me 16 vjet burg për mashtrim i mori Shqipërisë 100mln€! Pastaj shokët e tij këtu humbin zgjedhjet dhe kur vjen fushata tjetër del që s’i ka marrë atëherë po i mori tani! Prapë kështu do ndodhë me shokët e mashtros! Deri fushatën tjetër!
— Edi Rama (@ediramaal) April 5, 2023
“Para çdo fushate del që Beketi i dënuar me 16 vjet burg për mashtrim i mori Shqipërisë 100mln€!
Pastaj shokët e tij këtu humbin zgjedhjet dhe kur vjen fushata tjetër del që s’i ka marrë atëherë po i mori tani! Prapë kështu do ndodhë me shokët e mashtros! Deri fushatën tjetër” shkruan ai.
Megjithatë, lidhur me këtë vendim, “5Pyetjet.al” kontaktoi Avokatin e Përgjithshëm të Shtetit, Odise Moçka. Ai nuk pranoi që të jepte një prononcim të plotë për rastin.
Fillimisht, Moçka tha se është vijim i vendimit të vjetër duke mos e mohuar, por më pas theksoi se nuk ka një njoftim zyrtar nga institucioni që drejton.
“Është vazhdimësi e informacioneve që kanë qenë më parë. Nuk ka njoftim zyrtar, kur të ketë njoftim zyrtar do të dalë” tha Moçka për “5Pyetjet.al”.
Disfata ndaj Becchettit në Arbitrazh! Avokati i Shtetit për “5Pyetjet.al”: S’ka info zyrtare
