Kanë dalë pamjet e aksidentit të rëndë mbrëmjen e sotme në Fier. Ngjarja ka ndodhur te “Kthesa e Patosit”, ku një mjet tip Benz me drejtues një 63-vjeçar ka përplasur për vdekje një person rreth 50 vjeç që udhëtonte me biçikletë. Shoferi i makinës është shoqëruar në polici.
Njoftimi i policisë:
Rreth orës 20:30, në vendin e quajtur “Kthesa e Patosit”, automjeti tip “Benz” me drejtues shtetasin A. A., 63 vjeç, ka përplasur një shtetas rreth 50 vjeç, ende të paidentifikuar, i cili ishte duke udhëtuar me biçikletë.
Si pasojë e përplasjes, drejtuesi i biçikletës ka ndërruar jetë, ndërsa shtetasi A. A. u shoqërua në ambientet e Policisë, për kryerjen e veprimeve të mëtejshme procedurale. Grupi hetimor po punon për përcaktimin e shkaqeve të aksidentit dhe identifikimin e shtetasit që ka ndërruar jetë.
Aksident i rëndë në Fier, makina përplas për vdekje një person me biçikletë!
