Një rast i pazakontë u shënua dje në Kategorinë Superiore të futbollit shqiptar.
Arbitri kryesor i ndeshjes Kastriotit dhe Bylisit, Juxhin Xhaja u tërhoq pas kërcënimeve që mori për jetën.
Pak orë përpara ndeshjes Xhaja mori telefonata dhe mesazhe, por autorët duket se nuk u mjaftuan me kaq.
Paraprakisht mësohet se kërcënime kanë shkuar te familjarët e arbitrit.
Përballë kësaj situate arbitri ka bërë kallëzim në polici dhe u tërhoq nga gjykimi i ndeshjes një situatë e rëndë dhe një precedent i rrezikshëm për të ardhmen.
Ende nuk ka asnjë të arrestuar për kërcënimet.
