Gjykata ka lënë në burg pa afat shoferin e furgonit që u arrestua në portin e Durrësit, pasi brenda u gjetën 8 armë zjarri, pistoleta të fshehura në një tavolinë.
Jetmir Kaloshi ka mohuar akuzat para togave të zeza. Ai ka pretenduar se ishte vetëm shofer dhe nuk kishte lidhje me materialet e gjendura në furgon.
“Unë do i dorëzoja në Itali dhe pastaj do kthehesha. Nuk kam vizë për në Britaninë e Madhe” tha Kaloshi duke pretenduar se ishte i punësuar pranë një agjencie si shofer dhe se nuk ishte në dijeni për mallrat që duhet të transportonte.
Megjithatë gjykata e ka lënë në qeli dhe hetimet vazhdojnë për të zbuluar rrjetin.
