Roland Bejko fushatën e tij po e bazon te fakti që Sali Berisha është e keqja e madhe që ndau dhe copëtoi Partinë Demokratike. Gjatë takimeve në Tiranë, i kërkoi liderit historik të demokratëve që të hapë krahun dhe të ikë në shtëpi.
“Nuk ka të ardhme me një non grata. Shko more në shtëpi dhe na lër të gjithë demokratëve bashkë. Ik me nder dhe lavdi nga koha jote. Ai zgjodhi të na ndante. Na ka dobësuar” tha ai.
Ish-kryeministri ka folur për revolucion, por Bejko e ironizoi. “Nuk mund ta bëjë revolucionin ai që e parkon “Benz”-in e tij 150 mijë Euro dhe vete i bashkohet 30 metra më tej atij që nuk ka bukë për të ngrënë dhe ka ardhur me një sanduiç të paguar nga organizatorët” tha ai.
