Ministri i Punëve të Jashtme në Serbi, Ivica Daçiç ka komentuar deklaratën e të dërguarit të posaçëm të SHBA-së për Ballkanin Perëndimor ,Gabriel Escobarit se SHBA-të do t’i njohin zgjedhjet në Kosovë.
Daçiç tha se kështu “i jemi kthyer situatës para Brukselit”, kur ishte e parëndësishme nëse serbët kanë marrë pjesë në zgjedhje dhe në institucione apo jo.
Escobar u shpreh se SHBA-të do t’i njohin rezultatet e zgjedhjeve në katër komuna në veri të Kosovës, dhe u bëri thirrje serbëve që të kthehen në institucionet e Prishtinës.
Daçiç tha se nuk do të zbatojnë diçka për të cilën nuk janë pajtuar.
“Kështu thotë ai që prej 10 vjetësh nuk e zbaton marrëveshjen e Brukselit për formimin e Asociacionit të Komunave me Shumicë Serbe. Serbia është e vogël, por nuk është budallaqe. Presidenti Vuçiç flet saktësisht, ne nuk do ta zbatojmë atë për të cilën nuk jemi pajtuar”, tha Daçiç.
