Kryeministri Edi Rama ishte sot në Durrës për të kërkuar votën për Emiriana Sakon që kërkon një mandat tjetër në krye të menaxhimit të punëve të qytetit bregdetar.
Për rivalin përballë, Igli Cara, Rama nuk kishte asnjë fjalë të keqe. Ai tha se është djalë i mirë, por ka bërë zgjedhjen e gabuar duke përfaqësuar koalicionin Berisha-Meta.
“Mund të jetë djalë i mirë, por nuk kam motër për të martuar, apo për të bërë krushqi. Djalë i mirë për veten e vet. Nuk i hyj fare kësaj. Këtu çështja është sa djalë i mirë je, apo i keq.
Këtu çështja është a ma bën punën apo nuk ma bën punën. Nuk është mirë që i vendos në dispozicion emrin, fytyrën, reputacionin, traditën e familjes së vet zorrës qorre” tha ai.
