Kandidati i koalicionit “Bashkë Fitojmë” Belind Këlliçi nxori një tjetër video ku tregon nepotizmin në bashkinë e Tiranës. Përfitues, thotë ai më tej janë vetëm një grusht njerëzish dhe të gjithë të tjerët humbasin.
“Korrupsioni në Bashki penalizon qytetin dhe qytetarët. Është një fenomen që na kushton të gjithëve. Përfitues janë vetëm një grusht njerëzish, të gjithë të tjerët humbasin.
Duhet të ngremë zërin, të revoltohemi ndaj atyre që shtojnë pasurinë e privilegjet mbi kurrizin e njerëzve. Po të bëhemi bashkë e mundim korrupsionin. Me 14 maj fiton qyteti dhe qytetarët” deklaron ai.
