Kryetari i KQZ-së, Ilirjan Celibashi vendosi sot që t’i kërkojë policisë bashkiake dhe të rendit që të heqin nga rrugët dhe cdo cep që janë vendosur të gjitha posterat e partive politike, të cilat nuk kanë shënimin e personit apo subjektit që i ka vendosur.
“Ne do të urdhërojmë që të hiqen të gjitha materialet propagandistike të kujtdo subjekti që nuk përmban shënimin “prodhuar nën përgjegjësinë ligjore të…”.
Do të urdhërohet policia bashkiake dhe e rendit për t’i hequr këto materiale menjëherë. Kjo të vlen për të 61 bashkitë dhe të gjitha subjektet.
Deri në orën 24:00 të ditës së premte duhet të marrim një informacion nga policia e rendit dhe bashkiake për zbatimin e këtij vendimi” tha ai.
