Inceneratori i Elbasanit që vazhdon që të jetë fantazmë nuk po i ndalon tenderat që kanë qenë të shumtë muajt e fundit. Sot janë hapur dy procedura të reja prokurimi. “5Pyetjet.al” po sjell më poshtë procedurën e prokurimit që ka hapur shoqëria aksionere “Eco-Elb” e drejtuar nga Leli Kaja dhe ku bëjnë pjesë bashkia e Elbasanit, Cërrikut, Përrenjasit, Gramshit, Belshit dhe Librazhdit.
E para ka të bëjë me blerjen e naftës, rreth 190 milionë Lekë. E dyta është një tender për veshjet e punonjësve. Kjo është hera e dytë që hapet pas anulimit të atij të 10 marsit me të njëjtin objekt për veshje pune, 40 milionë Lekë për çizme, kominoshe, jelekë, doreza, maska, përparëse dhe xhup.
