Një ngjarje e rëndë është regjistruar ditën e sotme në Itali ku një 45-vjeçar me origjinë shqiptare ka vrarë vajzën e tij 16-vjeçare dhe një italian 51-vjeçar, Massimo De Santis.
45-vjeçari është identifikuar dhe quhet Taulant Malaj. Shqiptari dyshonte prej kohësh se gruaja e tij e tradhëtonte me një italian.
Rreth orës 02:00 kur ai po kthehej në shtëpi nga puna e tij si bukëpjekës në shkallë pa një italianin me të cilin kishte dyshime se e tradhtonte gruaja, Massimo De Santis.
51-vjeçari mbeti viktimë pasi pas plagosjes ai humbi shumë gjak dhe nuk mundi të shpëtonte.
Pasi plagosi italianin, Malaj shkoi në shtëpi dhe u konfliktua me gruan e tij. Teksa sherri shkoi në përplasje fizike dhe i drejtoi thikën gruas aty ka ndërhyrë vajza 16-vjeçare ku u fut mes prindërve për të mbrojtur të ëmën.
45-vjeçari e qëlloi me thikë të bijën duke e lënë të vdekur në vend. Gruaja e shqiptarit ndodhet në spital e plagosur. 45-vjeçari ka tentuar të arratiset, por karabinierët e kanë vënë në pranga.
U vra nga i ati, 16-vjeçarja mbeti viktimë teksa shpëtonte nënën
