Ylli argjentinas, Lionel Messi është votuar si Sportisti i Vitit në Botë nga Laureus.
Messi mposhti konkurrenenët si Kylian Mbappe, Max Verstappen dhe Rafael Nadal pasi shtatë herë fituesi i Topit të Artë realizoi ambicien e tij përfundimtare në Katar.
Ai fitoi Kupën e Botës për vendin e tij pasi luajti një rol udhëheqës, teksa iu bashkua Diego Maradonas si dy legjenda që e kanë frymëzuar kombëtaren drejt triumfit.
35-vjeçari është aktualisht në qendër të spekulimeve që e lidhin atë me një lëvizje në Arabinë Saudite. Por tani për tani, ai mbetet në Paris Saint-Germain, ku po zhvillohej ceremonia prestigjioze e Laureus.
“Dua të jem në gjendje ta shijoj atë. Ishte një moment shumë i veçantë në Katar. Ishte trofeu që më mungonte. Ishte e veçantë edhe për bashkëlojtarët e mi dhe për të gjithë vendin. Futbolli ka qenë një mënyrë jetese për mua. Sporti në përgjithësi i bashkon njerëzit me vlera”, u shpreh ai.
