Arrestohet në flagrancë një person në Tiranë, si dhe procedohet penalisht një tjetër, të cilët në bashkëpunim me njëri-tjetrin komunikonin për shit-blerje votash për një subjekt politik.
Sipas policisë, bazuar në pamjet filmike të postuara në portale në të cilat shfaqet një person që komunikon për shit-blerje votash kanë organizuar punën dhe kanë finalizuar operacionin policor të koduar “Premtuesi”.
Si rezultat, u bë arrestimi i Kristo Agalliut 52 vjeç, banues në Tiranë, si dhe nisi procedimi në gjendje të lirë për Agron Durajn 61 vjeç, banues në Tiranë.
“Ata shfaqen në një video duke komunikuar me njëri-tjetrin, për shit-blerje votash për një subjekt politik” thotë policia.
Materialet i kaluan Prokurorisë së Posaçme kundër Korrupsionit dhe Krimit të Organizuar, për veprime të mëtejshme.
