Dy persona janë plagosur në mesnatë me armë zjarri në veri të Mitrovicës, si pasojë e një përleshjeje dhe janë dërguar në spital.
Zëvendësdrejtori i policisë për rajonin e veriut, Veton Elshani ka konfirmuar lajmin duke thënë se policia ka marrë informatën rreth orës 2:00 dhe se ka dalë menjëherë në vendngjarje.
“Dy persona janë plagosur në këmbë me armë zjarri dhe janë dërguar për trajtim në spital. Jeta e tyre nuk është në rrezik, ndërsa policia është e interesuar për ta intervistuar një të dyshuar, i cili ndodhet në arrati’, ka thënë Elshani.
KosovaPress shkruan se të plagosurit (të nacionalitetit serb) janë N. V. i njohur me nofkën “Xhoni” nga veriu i Mitrovicës dhe N. I. nga Novi Sadi i Serbisë.
