Kryeministri Edi Rama paralajmëroi se do të vihet në lëvizje me shënjestër KQZ-në për shkak të dështimit të identifikimit elektronik në 500 qendra votimi ditën e diel. Ai tha se nuk do ta lërë me kaq dështimin.
“Sa i përket standardeve të zgjedhjeve nuk kam lexuar asnjë raport, por besoj që zgjedhjet nuk kanë pasur asgjë të veçantë veç dështimit spektakolar të KQZ-së për të filluar në kohë votimin në 500 qendra.
Kjo ishte një gjë e rëndë, tronditëse për faktin që pajisjet elektronike kanë garantuar një transparencë shumë më të madhe, siguri shumë më të madhe dhe mosfunksionimi i tyre për arsye më banale.
KQZ është për atë ditë. Është e pafalshme dhe e pajustifikueshme. Me siguri ne nuk do ta lëmë me kaq këtë kur pamë skenat e tmerrshme të atyre pajisjeve që hidheshin si arka bosh. Miliona euro të vendosura në dispozicion nga shqiptarët” tha ai.
Akuzat e opozitës për standardet e zgjedhjeve? “Ju keni sinkronet, unë e kam parashikuar disa herë, por jo shpejtësinë që u kthye në atë që është pozicioni i përhershëm historik, i tyre, mohimi i realitetit dhe fillimi i klithmave për vjedhje të zgjedhjeve. Derisa doli rezultati i Kamzës ishin të sigurt që kishin një fitore tronditëse” tha ai.
