Një seri lëkundjesh në ishullin danez Bornholm kanë shqetësuar banorët dhe janë bërë objekt studimi për gjeologët dhe sizmologët. Lëkundjet kanë ndodhur më 13 maj rreth orës 15:00.
Të dhënat treguan se lëkundjet nuk u shkaktuan nga një tërmet, por as nga një shpërthim në Poloni. Zyrtarët e agjencisë arritën në përfundimin se “valët akustike” në atmosferë ka të ngjarë të shkaktojnë lëkundjet por nuk pranuan të spekulojnë se çfarë mund t’i ketë shkaktuar ato.
“Të tilla lëkundje të pashpjegueshme nuk janë në fakt të pazakonta” thotë Bjwrn Lund, një sizmolog në Universitetin Uppsala në Suedi dhe drejtor i Rrjetit Kombëtar Sizmik Suedez.
“Kjo ndodh disa herë në vit, ne kemi raporte për dridhje dhe zhurmë me frekuencë të ulët nga një zonë dhe nuk ka dëshmi të tërmeteve apo shpërthimeve të mëdha. Një shpjegim i zakonshëm për incidente të tilla është një aeroplan që thyen barrierën e zërit”, shton ai.
