Ditën e sotme është zhvilluar ceremonia e betimit të presidentit të ri Të Malit të Zi, Jakov Millatoviq ku morën pjesë personalitete të vendeve fqinje, ndër të cilët të pranishëm ishin presidenti Begaj dhe presidentja e Kosovës, Vjosa Osmani.
Në mesin e të ftuarve ishte edhe presidenti i Serbisë, Aleksandar Vuçiç. Ajo çfarë ka tërhequr vëmendje ka qenë pozicionimi i presidentëve të Kosovës dhe Serbisë.
Shefi i kabinetit të Presidentes së Kosovës, Blerim Vela për mes një postimi në llogarinë e tij në Twitter shkroi citimin e një diplomat evropian, pa ia zbuluar emrin në lidhje me takimin Osmani-Vuçiç.
Sipas Velës diplomati europian është shprehur se kjo përbën hapin e parë për Serbinë në respektimin e artikullit 4 të marrëveshjes së fundit mes Kosovës dhe Serbisë.
“Një diplomat i BE-së vuri në dukje me cinizëm se pjesëmarrja e Vuçiqit së bashku me Presidenten Osmani në inaugurimin e Presidentit të ri të Malit të Zi përfaqëson hapin e parë të Serbisë në zbatimin e artikullit 4 të marrëveshjes me Kosovën për përfaqësim të veçantë në arenën ndërkombëtare. Mbase ai ka të drejtë”, ka shkruar Vela në Twitter.
Neni 4 i marrëveshjes së arritur në Ohër mes Kosovës dhe Serbisë thotë:
“Palët vazhdojnë me supozimin se asnjëra nga të dyja nuk mund të përfaqësojë tjetrën në sferën ndërkombëtare ose të veprojë në emër të saj. Serbia nuk do të kundërshtojë anëtarësimin e Kosovës në asnjë organizatë ndërkombëtare”.
An EU diplomat cynically noted that Vučić’s attendance together with President Osmani at inauguration of new President of Montenegro represents Serbia’s first step in implementation of art. 4 of the agreement w/ Kosovo on separate representation at int’l arena.
Maybe he’s right. pic.twitter.com/dl4qODpZPG
— Blerim Vela (@Blerim_Vela) May 20, 2023
