Një kg kokainë në Tiranë kushton 30 mijë euro. Në orët e para të ditës së sotme u arrestuan pesë persona në Tiranë. U sekuestruan 2 kg e 300 gr lëndë e dyshuar narkotike kokainë, 3 automjete, si dhe 4 aparate celulare në kuadër të operacionit të koduar “Kodra e Diellit 2”, për goditjen e veprimtarisë kriminale në fushën e narkotikëve.
Të arrestuarit janë;
- Donald Muhamuçi 31 vjeç
- Ermal Lamaj 39 vjeç
- Kostaq Murtaj 29 vjeç
- Olsi Mylka 34 vjeç
- Shemsi Proda 30 vjeç
Por si u kapën?
Sipas policisëë në rrugën “Rrapo Hekali”, shërbimet kanë lokalizuar personat e lartpërmendur dhe një çantë brenda të cilës dyshohej se kishte lëndë narkotike të llojit kokainë. Gjatë kontrollit të çantës janë gjetur 2 pako me lëndë të dyshuar narkotike të llojit kokainë, me një peshë totale 2 kg e 300 gr.
Nga verifikimet e kryera ka rezultuar se këta në bashkëpunim me njëri-tjetrin, siguronin lëndë të dyshuar narkotike të llojit kokainë në sasi të mëdha, dhe më pas e shisnin atë rreth 30 mijë euro kg, në vende të ndryshme në Tiranë.
Vijon puna për identifikimin dhe kapjen e personave të tjerë të përfshirë në këtë veprimtari kriminale.
