Mesditën e sotme Gazment Bardhi mblodhi grupin e PD-së zyrtare. Thirrjes iu përgjigjën vetëm 18 deputetë. Pjesa tjetër janë ndarë disa me grupin e Sali Berishës dhe të tjerët janë neutralë duke mos marrë pjesë në asnjë mbledhje. Kjo ishte mbledhja e parë e grupit pas zgjedhjeve dhe emërimit të Bardhit në vendin e Enkelejd Alibeajt.
Diskutimet kanë qenë të fortë për disfatën e 14 Majit dhe mënyrë si është futur PD-ja zyrtare në proces pas përçarjes së thellë. Në fund, të gjithë duket se kanë rënë dakord që të nisë një tur dëgjesash në bazë. Një gjë të tillë e tha edhe Jorida Tabaku.
Pasdite rikthehet Lulzim Basha në një aktivitet me të rinj që është përgatitje për të rimarrë drejtimin e partisë. Por kundërshtitë kanë rifilluar. “Sali Berisha, Lulzim Basha dhe Enkelejd Alibeaj nuk duhet të jenë në krye të PD-së” tha Saimir Korreshi.
“Qëndrimi im ka qenë i qartë dhe i prerë. Nuk duhet të ketë rikthim në PD, në drejtimin e PD-së, por është shumë i mirëpritur për të dhënë kontributin e tij. Nëse duam ta lëmë konfliktin e hapur kjo është një zgjedhje e gabuar. Sherri solli këto pasoja katastrofike” tha Dash Sula.
A do të pranojë të bëhet kryetare e PD-së? Tabaku: Po flas me deputetët
