Një e moshuar është hedhur nga ura në lumin Vjosë.
Disa të rinj të gjendur rastësisht aty kanë arritur ta nxjerrin nga lumi dhe e moshuara është dërguar në spital.
Dyshohet se 70-vjeçarja ka tentuar të vetëvritet në kushtet e depresionit.
Njoftimi i policisë:
Rreth orës 14:15, në hyrje të qytetit të Përmetit, dyshohet se është vetëhedhur në lumin Vjosë, shtetasja F. D., rreth 75 vjeçe.
Menjëherë pas marrjes së njoftimit, në vendngjarje kanë shkuar shërbimet e Policisë, të cilët në bashkëpunim me qytetarët, kanë bërë të mundur nxjerrjen e kësaj shtetaseje, nga ujërat e lumit.
Shtetasja F. D. u transportua në spital për të marrë ndihmën mjekësore dhe është jashtë rrezikut për jetën.
Në vendngjarje ndodhet grupi hetimor i cili po punon për dokumentimin e plotë të rrethanave të kësaj ngjarjeje.
