Irani ka lëshuar një paralajmërim të fortë ndaj Britanisë së Madhe dhe Francës, duke deklaruar se çdo anije luftarake e dërguar në Ngushticën e Hormuzit do të marrë një “përgjigje vendimtare dhe të menjëhershme” nga forcat iraniane.
Ky reagim vjen pas mobilizimit të anijeve nga Parisi dhe Londra në rajon, në kuadër të një koalicioni ndërkombëtar për sigurinë e këtij korridori strategjik.
“U kujtojmë se, si në kohë lufte ashtu edhe në kohë paqeje, vetëm Republika Islamike e Iranit mund të garantojë sigurinë në këtë ngushticë dhe nuk do të lejojë asnjë vend të ndërhyjë në çështje të tilla,” deklaroi zv.ministri i Jashtëm iranian, Kazem Gharibabadi.
