Një tjetër rast në një shkollë fillore në Beograd ka alarmuar autoritetet serbe pas një denoncimi nga një prind për një sulm të mundshëm në shkollë.
Mediat serbe raportojnë se babai i një nxënëseje i ka dërguar drejtoreshës së shkollës me foto një listë emrash të një klase ku në titull shkruhet “Objektivi”.
Menjëherë pas këtij denoncimi janë marrë masat dhe kanë nisur procedurat e urdhëruara nga minisitria serbe e arsimit. Ku lista tashmë i është dorëzuar policisë.
“Babai i një vajze i dërgoi mësuesit të klasës një foto të një fletoreje me emrat e disa nxënësve me titullin “objektivi”.
Sipas tij, ajo është parë në fletoren e njërës nga nxënëset e asaj klase. Më ka njoftuar klasa, e më pas kam vepruar sipas procedurave të urdhëruara nga Ministria e Arsimit për shkollat kur ndodhin situata të tilla”, deklaroi drejtoresha e kësaj shkolle, Olivera Koroshec.
