Sekretarja e Përgjithshme e Ministrisë së Shëndetësisë, së bashku me një punonjëse të kësaj ministrie janë arrestuar ditën e sotme me urdhër të SPAK nën akuzën e korrupsionit.
Mësohet se, bëhet fjalë për Joana Duron dhe Laureta Shetën respektivisht, të cilat janë monitoruar prej kohësh nga Prokuroria e Posaçme.
Arrestohet Sekretarja e Përgjithshme e Ministrisë së Shëndetësisë, e paralajmëroi Rama
Ato akuzohen se kanë shpërdoruar detyrën përmes korrupsionit me 4 milionë lekë. Po ashtu ka dyshime se dy të arrestuarat kanë abuzuar me një tender me vlerë 2 milionë euro, gjë që nuk është verifikuar ende nga SPAK.
SPAK ka konfirmuar zyrtarisht se Sekretarja e Përgjithshme e Ministrisë së Shëndetësisë Joana Duro është arrestuar në kuadër të një operacioni në zhvillim e sipër.
Si e paralajmëroi vetë Rama “kapjen me presh në duar” të Joana Duros
Prokuroria e Posaçme ka zbuluar po ashtu se Duro është arrestuar në flagrancë gjatë korrupsionit, ku dyshohet se është kapur duke marrë para.
