Rexhep Tajip Erdogan u betua sot për një mandat të ri pesëvjeçar si president duke e zgjatur sundimin e tij në një dekadë të tretë.
“Unë si president betohem për nderin dhe integritetin tim para kombit dhe historisë së madhe turke për të ruajtur ekzistencën dhe pavarësinë e shtetit… t’i bindem kushtetutës, ligjeve, demokracisë, parimeve dhe reformave të Ataturkut”, tha Erdogan gjatë ceremonisë së betimit të mbajtur në parlamentin në Ankara dhe të transmetuar drejtpërdrejt në televizion.
Pyetja e madhe është se cila do të jetë përbërja e re e qeverisë që do të shpallet në mbrëmje. Udhëheqësi më jetëgjatë i Turqisë, Erdogan fitoi 52.2% të votave në raundin e dytë të zgjedhjeve presidenciale të mbajtur më 28 maj.
