Anëtarja e Kryesisë së Partisë Demokratike, Jonila Godole, duke folur në “5 Pyetjet” nga Ilir Babaramo për situatën brenda kësaj force politike, tha se, ajo është pro hapjes së garës brenda partisë, por deklaroi se votoi kundër shpejtësisë dhe hapave të nxituar për zgjedhjen e kryetarit të ri.
“Për shkak të gjendjes që po kalon PD kryesia dhe kolegët nuk duhet të nxitoheshin për të marrë vendime të nxituara. Njëri prej tyre është hapja e garës, pa intimidime. Unë jam pro hapjes së garës, por votova kundër shpejtësisë dhe hapave të nxituar për tu futur te zgjedhja e kryetarit. Duhej pikë së pari reflektimi, pse humbëm në zgjedhje. Nuk më pyeti njeri për detaje, por kështu unë e mendova.”, u shpreh Godole ndër të tjera në fjalën e saj.
