Ardian Civici, rektor i Universitetit Mesdhetar, i ftuar në “5 Pyetjet” nga Ilir Babaramo, ka folur në lidhje me lëvizjen e kursit të këmbimit valutor në vendin tonë dhe pikiatën e monedhës evropiane në raport me lekun.
“Po të shikojmë raportet e lekut me euron, në vitet e fundit, kanë qenë gjithmonë disa faktorë që kanë ndikuar në kursin e tyre. Ky nuk është fenomen që vjen nga tregjet ndërkombëtare.
Megjithëse politikat e BQE këto muajt e fundit kanë qenë agresive, sidomos pas periudhës së COVID-it por edhe asaj që ndodhu në Ukrainë, ka njohur një trend rritës.
Efekti nuk duhet të ishte ky që është tani, çka do të thotë që kemi të bëjmë me një fenomen krejtësisht të izoluar në tregun shqiptar. Janë prishur raportet mes euros dhe lekut.
Në miniaturë është i njëjti fenomen që na ka ndodhur në këto vite në periudhën e qershorit, por në këtë rast kemi hyrë në një fenomen strukturor, dhe nuk është diçka që mund të ndryshojë sot apo nesër.”, u shpreh Civici
