Kjo javë do të jetë një mundësi që marrëdhëniet të lulëzojnë dhe të marrim përfitime prej tyre. Meri Shehu parashikon në “Rudina” se Mërkuri, planeti i komunikimit do të na ndihmojë në jetën e përditshme dhe do të na lehtësojë me prakticitetin e tij.
Kryqi i shenjave të ndryshueshme do të jetë më i favorizuari në këtë aspekt, por duhen pasur në vëmendje prapaskenat në fusha të ndryshme.
Meri Shehu: Një javë interesante sepse planeti i komunikimit, Mërkuri është futur në Binjak, në shtëpinë e vet dhe bën ligjin më së miri.
Merr informacionin e duhur, lëvizjen e duhur, është praktik dhe funksionon pa çështje të mëdha, furtuna të mëdha, pa qëllime shumë superiore.
Zgjidh gjëra të jetës së përditshme që ndonjëherë janë kaq të nevojshme dhe të domosdoshme. Do ta shijojnë mirë Binjakët, Shigjetarët, Virgjëreshat dhe Peshqit.
Jemi afër hënës së re në Binjak, e cila është shumë e bukur që do të na sjellë një ngjarje të re, një ndryshim, por është në katërkëndësh me Neptunin që mund të sjellë një zhgënjim ose ndryshimet që do bëhen mund të mos kenë formulën e duhur dhe të jetë një gabim, por nga këto të fundit njeriu mëson më shumë.
