Kryeministri i Kosovës Albin Kurti nuk është përgjigjur për mediat në lidhje me mbledhjen e anuluar nga kryeministri Rama. I pyetur nga gazetarët, Kurti ka refuzuar të përgjigjet duke thënë se i duhej të shkojë në zyrë. “Kam folur gjerë e gjatë për këtë punë. Më duhet të shkoj në zyrë” tha ai.
Kryeministri i Shqipërisë Edi Rama njoftoi të martën në mbrëmje se mbledhja e përbashkët mes qeverisë së tij dhe qeverisë së Kosovës, e planifikuar për t’u zhvilluar sot në qytetin e Gjakovës nuk do të zhvillohet.
Njoftimi i papritur shënon një thellim dramatik të mosmarrëveshjes mes qeverisë së Kosovës dhe asaj të Shqipërisë, diçka shumë e pazakontë mes dy vendeve që flasin të njëjtën gjuhë.
