E premte e zezë. Dy persona vdiqën ditën e sotme në vend dhe pesë të tjerë u plagosën si pasojë e dy aksidenteve.
Në orët e para të mëngjesit të sotëm në aksin dytësor Tiranë-Durrës një makinë tip “BMWX5” doli nga rruga dhe u përplas me bordurat anësore.
Viktima është Visar Meshi, baba i dy fëmijëve, i cili ishte pasagjer. Të plagosur mbetën Ensid Hasanllari dhe Erenik Cakraj, njëri prej të cilëve shoferi i mjetit.
Aksidenti i dytë me pasojë vdekjen e një polici kufiri u shënua në aksin rrugor Lezhë-Shkodër në afërsi të fshatit Balldre.
Polici i kufirit ka vdekur si pasojë e përplasjes së dy makinave, ku kanë mbetur të plagosur edhe tre persona të tjerë. Polici që ka ndërruar jetë është Gazmir Zhuka. Të plagosur mbetën edhe tre persona, njëri prej tyre serb.
“Visar, na i theve zemrat”! Lot dhe dhimbje! Ky është babai i dy fëmijëve që vdiq në Tiranë
