Presidenti i Serbisë, Aleksandar Vuçiç do të shkojë në Bruksel. Ai njoftoi se i është përgjigjur pozitivisht ftesës së shefit të Politikës së Jashtme të Bashkimit Evropian, Josep Borrell, por theksoi se nuk do të flasë me Kurtin në asnjë mënyrë.
“Biseda me të nuk ka kuptim, ai na jep leksione për filozofinë, pak për Demaçin, pak për Marksin dhe kaq. Gjithçka tjetër ka të bëjë me persekutimin e serbëve dhe ligjëratat për çështjet e brendshme politike”, tha Vuçiç.
Po sot, Borrell ka bërë të ditur se i ka thirrur për një takim urgjent në Bruksel, kryeministrin e Kosovës, Albin Kurti dhe presidentin e Serbisë, Aleksandar Vuçiç për të gjetur një rrugëdalje për situatën e tensionuar.
Nëpërmjet një njoftimi në Twitter, Borrell ja thënë se është nevojë urgjente për de-eskalim të menjëhershëm dhe zgjedhje të reja në veri të Kosovës.
