Qershori është muaji i Çamërisë pasi 27 Qershori ’44 është dita e Gjenocidit dhe spastrimit etnik grek mbi shqiptarët e Çamërisë.
Në këtë kuadër, në emisionin “5 Pyetjet” nga Ilir Babaramo ishte i ftuar kryetari i Fondacionit Çamëria “Hasan Tahsini”, Alket Veliu, i cili u shpreh se shteti shqiptar ka zgjedhur rrugën e heshtjes sa i përket kësaj çështjeje.
Duke folur për prioritetin e këtij fondacioni. Z. Veliu tha se aktiviteti i institucionit që ai drejton është kryesisht promovimi i historisë së kësaj shtrese të popullsisë shqiptare.
Cili është prioriteti i Fondacionit Çamëria “Hasan Tahsini”?
Aktiviteti i fondacionit është kryesisht në promovimin e historisë sonë. Për ne është e rëndësishme që historia të njihet nga pjesa tjetër e kombit tonë, por edhe nga të huajt.
