Ditën e sotme kanë dalë para gjykatës në Kralevë 3 policët e arrestuar në Kosovë.
Ndërkohë Sekretari në zyrën ndërlidhëse të Kosovës në Beograd, Fatmir Haxholli ka bërë të ditur se ata janë nisur për në Kralevë të Serbisë.
Haxholli për mes një postimi në Facebook shkruan se tre policët duhet të lirohen menjëherë.
Rrëmbimi i 3 policëve në Kosovë, sot dalin para gjykatës në Serbi
“Rrugës drejt Kralevës, ku para një gjyqi pritet të dalin përsëri tre policët Rifat Zekja, Beqir Sefi dhe Mustafë Shemi.
Çdo sekondë e humbur deri në kthimin e tyre në Republikën e Kosovës, në krye të detyrave, konstituon një impuls dhe sjellje joracionale me qëllim kamuflimin e një akti bizar përmes një drejtësie me kut e standard mesjetar.
Lirimi i menjëhershëm i tyre është Sine Non Qua!.”, ka shkruar Haxholli.
Tre policët kishin dalë para gjykatës edhe më 16 qershor ku ndaj tyre ishte caktuar masa e paraburgimit prej një muaji.
