Rrethoja metalike me tela me gjemba që ishte vendosur rreth ndërtesës së komunës në Zveçan është hequr pjesërisht nga hyrja anësore e këtij objekti, në anën ku ndodhet shkolla fillore “Vuk Karaxhiç”.
Sipas Kosova Online, heqja e pjesshme e rrethojës është një rrethanë lehtësuese për banorët e Zveçanit të cilët jetojnë në objektet e banimit që ndodhen pikërisht pranë objektit të komunës, sepse tani më lehtë mund të lëvizin dhe të hyjnë e dalin nga shtëpitë e tyre.
Kanë kaluar më shumë se një muaj që kur ushtarët e KFOR-it vendosën barrikada në formë gardhe metalike dhe tela me gjemba rreth ndërtesës komunale, dhe pasi serbët filluan protestat më 29 maj për shkak të nisjes së punës së kryetarëve të rinj të komunave.
Ndërtesa e komunës së Zveçanit është siguruar nga kontingjenti turk i KFOR-it, i cili së fundi ka mbërritur në veri të Kosovës, në përputhje me vendimin e NATO-s për të shtuar praninë e saj pas shpërthimit të krizës.
