Ambasadori i SHBA-së në Kosovë, Jeff Hovenier është fotografuar pasditen e sotme në Presidencë. Hovenier do t’i bashkohet takimit të presidentes Vjosa Osmani dhe kryeministrit të Shqipërisë, Edi Rama.
Rama ka nisur sot një vizitë në Kosovë në kuadër të një turi ballkanik, ku aktualisht është duke mbajtur takim me presidenten Osmani ndërsa më vonë pritet të takohet edhe me kryetarin e parlamentit.
Rama është në pritje të një konfirmimi për takim edhe nga kryeministri Albin Kurti, i cili fillimisht e ka refuzuar takimin me Ramën. /Zëri
