Kryeparlamentari i Kosovës, Glauk Konjufca menjëherë pas përfundimit të takimit me kryeministrin, Edi Rama është shprehur rreth çështjeve të cilat u diskutuan.
Në një deklaratë para mediave Konjufca tha se Ramën biseduan për zhvillimet e fundit në Kosovë.
Në fjalën e tij Konjufca shtoi se ndihma e Shqipërisë është e pazëvendësueshme për Kosovën.
“Ne biseduam për zhvillimet në vend, për situatën politike, për ndihmën që e presim nga Qeveria Rama, për të gjitha këto procese të vështira që po kalojmë.
I tregova që ndihma e Shqipërisë, është e pazëvendësueshme dhe Rama mund të na ndihmojë shumë më shumë se po e bën aktualisht, që republikën e Kosovës, në përpjekjet tona që janë shtetërore dhe kushtetuese, për të vendosur rend dhe ligj, të mos e shohin Kosovën fajtore, këtu nuk ka fajtor, këtu mund të ketë përgjegjësi”, ka thënë ai.
“Rama ishte i shqetësuar sa i përket presionit ndërkombëtar, por mua ma la përshtypjen se ai po e përjeton presionin më shumë se ne.
Ne nuk kemi probleme shtetërore me Shqipërinë. Problemi ka ardhur nga ana e Shqipërisë, ata pa kurrfarë arsye madhore e anuloi një mbledhje të shumëpritur, mbledhjen e dy qeverive. Nuk mendoj që është hakmarrje”, shtoi ai.
