Deputetja e Partisë Demokratike në zonën e Krujës, Merita Bakiu ka reaguar pas ngjarjes së dhunshme të regjistruar një ditë më parë në qytet mes fisit Rraja dhe fisit Maja.
Në reagimin e saj Bakiu shprehet se e ka ngritur çështjen e gurores dhe konflikteve që sollën protestat e banorëve dhe shton se heshtja e shtetit solli në përkeqësimin e situatës.
“Si deputete e zonës së Krujës e kam ngritur çështjen e gurores dhe konflikteve që sollën në protesta të banorëve.
Heshtja e shtetit dhe indiferenca solli në përkeqësim të atillë të situatës, sa konfliktet dukeshin të pashmangshme. Dhunuesi i vërtetë është shteti që nuk i trajton të barabartë qytetarët para ligjit”, shkruan Bakiu.
