Tre të rinj kanë rrahur një efektiv policie mbrëmjen e djeshme në rrugën “Shyqyri Ishmi” në Tiranë. Njëri është arrestuar, njëri është në kërkim dhe i treti po hetohet në gjendje të lirë. Policia thotë se tre të rinjtë rrahën me grushte efektivin e policisë. Njëri prej autorëve, konkretisht i arrestuari ishte në arrest shtëpie, por e theu masën, doli dhe rrahu policin.
“Specialistët për Hetimin e Krimeve të Komisariatit të Policisë Nr. 1 arrestuan shtetasin M. Zh., 26 vjeç, si dhe referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin D. Zh., 23 vjeç, dhe po punojnë për kapjen e shtetasit Xh. Ç., 25 vjeç, të tre banues në Tiranë. Këta shtetas, në rrugën “Shyqyri Ishmi”, gjatë një konflikti kanë goditur me grushte shtetasin A. D., 31 vjeç, banues në Tiranë (punonjës policie). Pas verifikimeve të kryera ka rezultuar se shtetasi M. Zh., ka shkelur masën e sigurisë “Arrest në shtëpi” mbyllet njoftimi.
