Kryetari i grupit parlamentar demokrat, Gazment Bardhi, i ftuar në “5 Pyetjet” nga Ilir Babaramo deklaroi se, në dosjen e SPAK për Ahmetajn ka edhe emra të tjerë ish-kryebashkiakësh dhe deputetësh aktualë të Partisë Socialiste të përfshirë në afera korruptive, ku ndër të tjera përmendi Baftjar Zeqon, Fadil Nasufin por edhe Damian Gjiknurin.
“Në dosjen e SPAK përmendet Baftjar Zeqo, Fadil Nasufi. Ka e-maile të vartësve të Damian Gjiknurit. Këta kanë dhënë tenderë në kundërshtim me ligjin, me ndërhyrje të Ahmetajt, për Klodian Zoton dhe Mirel Mërtirin.
Janë inspektuar pajisje elektronike në të cilën janë rikthyer mesazhe, biseda të forta. Z. Ahmetaj do të vërtetohet që ka një lidhje të qëndrueshme biznesi me këta dy persona. Ka një sërë zyrtarësh e ish-zyrtarësh, disa prej të cilëve janë deputetë aktualë të pozitës. Të dhënat janë sigu5ruar edhe nga kompjuteri i sekuestruar i Klodian Zotos.”, deklaroi më tej z. Bardhi.
