Autoritet britanike kanë dënuar me burg 2 shqiptarë për akuzën kultivim kanabisi në një zonë në veri të Manchesterit.
28-vjeçari, Eduard Pula dhe 24-vejçari, Florian Daci u dënuan me 2 vite burg pasi u kapën në një shtëpi bari të cilën ata së bashku me një person të tretë kujdeseshin për bimët e kanabisit.
Gjatë kontrollit të policisë, ata tentuan për t’u arratisur duke u hedhur nga çatia por u rrëzuan nga tetë metra lartësi ku pësuan dëmtime fizike.
Pas dënimit për sasinë prej 450 kg kanabis gati për shpërndarje dhe rreth 800 fidanë të bimës narkotike, dy shqiptarët rikthehen në Shqipëri.
Ata pranuan akuzën në gjykatë dhe thanë se kultivonin drogë për të shlyer borxhet e pagesës së udhëtimit me gomone drejt Anglisë.
