Media britanike, Theface.com gjithmonë ka promovuar turizmin në vendet më të pëlqyera të momentit, e këtë herë ka zgjedhur Shqipërinë.
Përmes një artikulli, ajo e cilëson vendin tonë si “Maldivet brenda Europës”, të cilin e ka zbuluar për të gjithë këngëtarja shqiptare me famë botërore, Dua Lipa.
“Alb-Mania” e turistëve britanikë do të vazhdojë të përhapet, pasi ofrohen plazhe fantastike dhe festivale verore, duke thyer kështu atë sterotipin e krijuar, cilëson artikulli.
“Edhe nëse nuk keni qenë kohët e fundit në Shqipëri, me siguri i keni parë pamjet në internet. Për ne udhëtarët, toka e Shqiponjës është përhapur kohët e fundit; janë bërë banja dielli në plazhet e saj me rërë, janë zhytur në ujërat e pacenuara dhe kanë kërcyer në festivalet e saj.
Nga viti 2010 deri në vitin 2019, numri i turistëve që shkojnë në Shqipëri çdo vit u trefishua në një kulm prej 3.3 milionë, me 120,000 prej këtyre vizitorëve ndërkombëtarë të ardhur nga Britania e Madhe; shumë, megjithatë, parashikojnë se kjo shifër së shpejti do të jetë në miliona”, shkruan ndër të tjera prestigjozia britanike.
