Gjykata e Lartë i ka thënë jo rekursit të Fredi Belerit për të lënë qelinë e paraburgimit ku aktualisht gjendet prej 12 majit.
Kërkesa për të zbutur masën e sigurisë së arrestit me burg për të mandatuarin e Himarës, vjen në një kohë kur shkalla e parë e Gjykatës së Posaçme, ashtu edhe Apeli i Posaçëm, u shprehën kundër kërkesës për t’u liruar.
Rrjedhimisht, fituesi i zgjedhjeve në Himarë humbi të drejtën për tu betuar përpara këshillit bashkiak në mbledhjen e radhës, një betejë kjo e vazhdueshme e ekipit të tij ligjor.
Avokatët e Belerit thanë se hapi i radhës mbetet dërgimi i çështjes në Gjykatën Kushtetuese, por ata nënvizojnë se nuk kanë shpresë se klienti i tyre do të lirohet.
