Sekretari i përgjithshëm i OKB-së, António Guterres së fundi është shprehur se epoka e ngrohjes globale ka përfunduar dhe epoka e vlimit global ka ardhur.
Kjo deklaratë e tij ka ardhur pasi shkencëtarët konfirmuan se korriku ishte muaji më i nxehtë në botë i regjistruar.
“Ndryshimi i klimës është këtu. Është e frikshme. Dhe është vetëm fillimi”, tha Guterres.
“Është ende e mundur të kufizohet rritja e temperaturës globale në 1.5 gradë dhe të shmanget ndryshimi më i keq i klimës. Por vetëm me veprim dramatik dhe të menjëhershëm klimatik.”
Temperaturat globale këtë muaj kanë thyer rekorde, sipas Organizatës Botërore Meteorologjike dhe programit të BE-së për vëzhgimin e Tokës.
Rritja e vazhdueshme e temperaturave mesatare globale, e nxitur nga ndotja që bllokon rrezet e diellit dhe vepron si një serë rreth Tokës, ka përkeqësuar ekstremet e motit.
“Për pjesë të gjera të Amerikës së Veriut, Azisë, Afrikës dhe Evropës, është një verë mizore. Për të gjithë planetin, është një fatkeqësi. Dhe për shkencëtarët, është e paqartë – njerëzit janë fajtorë,” shtoi Guterres.
