Një aksident tragjik është regjistruar këtë të enjte në rrugën Skenderaj-Klinë, përkatësisht në segmentin rrugor në fshatin Rakinicë.
Policia e Kosovës ka konfirmuar se si pasojë e lëndimeve të marra nga akisdenti ka ndërruar jetë një 29-vjeçare.
“Një aksident trafiku me pasojë fataliteti është shkaktuar sot rreth orës 11:30, në rrugën rajonale Skenderaj -Klinë, përkatësisht në segmentin rrugor në fshatin Rakinicë.
Në aksident është përfshirë një veturë, ku si pasojë e aksidentit lëndime ka pësuar drejtuesja e veturës. Ndërsa, rreth orës 13:40 është raportuar se si pasojë e lëndimeve në aksident në Spitalin Rajonal në Mitrovicë, ka vdekur drejtuesja e veturës viktima femër/kosovare e moshës rreth 29 vjeçare,” thuhet në njoftimin e policisë.
