Kylian Mbape duket se tashmë e ka marrë vendimin e shumë pritur për t’iu bashkuar madrilenëve të cilët prej vitesh po “sorollaten” me oferta për ta tërhequr drejt vetes.
Duket se ky afrim do të jetë më afër nga sa e mendojmë pasi pritet që t’i bashkohet Real Madridit në javët e ardhshme,
Ky është lajmi i bujshëm që po qarkullon në Spanjë, duke u përhapur nga media prestigjioze si “Marca”.
Sipas informacioneve të ndryshme, PSG dhe Reali kanë qenë në bisedime me ndërmjetës për lëvizjen e futbollistit që gjatë kësaj vere, por më përpara priteshin transferimet “domino” të lojtarëve të ndryshëm nga një klub në tjetrin.
Në mediat franceze dhe ato spanjolle, qarkullojnë edhe shifra që Real Madrid do të paguajë për kartonin e futbollistit që këtë verë.
PSG do të përfitojë 200 milionë euro direkt, si dhe 50 milionë euro në bonuse të ndryshme, por kjo mbetet për t’u negociuar përsëri nga klubet.
Ajo për të cilën të gjithë duken të sigurt, është se transferimi i Mbape, do të kryhet brenda kësaj jave.
