Rrjetet shqiptare të narkotikëve po përfshihen gjithnjë e më shumë në Itali në trafikun dhe shpërndarjen e kokainës ndryshe nga vitet e mëparshme kur ishin aktive në transportimin e marijuanës përmes hapësires detare me Shqipërinë dhe shpërndarjen në tregun e brendshëm italian.
Raporti i fundit i antidrogës italiane 2023 që u referohet të dhënave policore përgjatë vitit 2022 pohon se rreth 1200 shqiptarë u denoncuan në prokuroi nga antidroga italiane në vitin 2022 për aktivitet në transportin dhe shpërdarjen e kokainës nga 1127 që ishin denoncuar më 2021.
Ndërkohë në transportimin dhe shpërdarjen e kanabisit në vitin 2022 u denoncuan 239 shetas shqiptarë nga 300 që ishin denoncur në vitin 2021 me një rënie prej 20,33%.
Një rënie të ndjeshme pësoi edhe numri i autorëve shqiptarë të denoncuar për aktivitetin në transportimin dhe shpërndarjen e marijuanës ku gjatë vitit 2022 u denoncuan 62 autorë nga 149 që ishin denoncuar në vitin 2021.
Raporti vlerwson rolin e autoriteteve policore shqiptare dhe atyre italiane nw bllokimin e trafikut të marijuanws në hapësiren detare mes tw dy vendeve.
Raporti i antidrogës italiane vlerëson se numri i shqiptarëve të përfshirë në fushën e narkotikëve në vitin 2022 dhe të denoncuar pranë organeve gjyqësore italiane pësoi një rënie të lehtë me 1562 persona krahasur me vitin 2021 kur ishin denoncuar në autoriteet gjyqësore 1599 persona./VOA
Artikulli i plotë këtu.
