Gjendja shëndetësore e bosit të mafias Cosa Nostras, Matteo Messina Denaro është përkeqësuar pasi vuan nga një tumor.
Mediat italiane bëjnë të ditur se prej ditës së arrestimit ndodhet nën kurim në burg, ku i është ngritur një dhomë kimioterapie.
Denaro u shtrua në repartin e kirurgjisë të spitalit San Salvatore nën masa sigurie ku i është nënshtruar një operacioni të vogël për probleme urologjike.
“Tani Messina Denaro nuk ha më, ai gjithashtu ka vështirësi për të pirë, ka nevojë për shtrim urgjent në spital, sepse i duhet një serum për t’u ushqyer.
Situata e tij nuk është më e menaxhueshme nga struktura në të cilën ai është i burgosur nën regjimin 41bis”, tha avokati mbrojtës Alessandro Cerella.
Ai u arrestua në 16 janar të këtij viti pas 30 vitesh në arrati në një klinikë private në Palermo.
