Një shqiptar ka humbur jetën në një aksident rrugor në zonën “Pirgos Ilias” në Peloponez të Greqisë.
Viktima, 55-vjeçari Fatmir Dyrmishi, po lëvizte me biçikletë në një kryqëzim pranë hyrjes së qytetit kur, në rrethana ende të paqarta, është përplasur nga një kamion.
Sipas policisë greke, ai është transportuar me urgjencë në spital, por nuk ka mundur t’u mbijetojë plagëve të marra. Trupi i tij është dërguar në morg për ekspertizë mjeko-ligjore, ndërsa drejtuesi i kamionit është shoqëruar për hetime.
Autoritetet po vijojnë hetimet për të sqaruar plotësisht shkaqet dhe rrethanat e aksidentit.
