26-vjeçari Henri Gjalpi i shpallur në kërkim për vrasje nga pakujdesia është vënë në prangat e policisë në Rinas.
Gjalpi, banues në Tiranë ishte shpallur në kërkim, pasi Gjykata e Tiranës, i ka caktuar masën e sigurisë “Arrest në burg”, për veprën penale “Vrasja nga pakujdesia”.
Kujtojmë se 26-vjeçari me datë 31 mars të këtij viti, në rrugën “Vaso Pasha” është konfliktuar me shtetasin Gentjan Talja, 46-vjeç.
Ky i fundit për shkak të dëmtimeve u dërgua në spital ku dhe ndërroi jetë nga plagët e marra nga sherri fizik.
Talja e Gjapi nuk njiheshin më parë me njëri-tjetrin dhe janë takuar krejt rastësisht në vendin ku ka ndodhur ngjarja.
Materialet procedurale i kaluan Prokurorisë pranë Gjykatës së Tiranës, për veprime të mëtejshme.
