Policia e Pogradecit ka njoftuar ditën e sotme se rreth orës 13:50 në vendin e quajtur “Plazhi” një fadromë ka goditur aksidentalisht një pushues.
Fadroma shërben për pastrimin e mbetjeve liqenore dhe ditën e sotme shoferi 31-vjeçar me inicialet D. P. ka goditur aksidentalisht 53-vjeçarin me inicialet A. K..
Nga plagët e marra pushuesi është dërguar në spitalin e Pogradecit ku po merr ndihmën mjekësore.
Drejtuesi i fadromës është shoqëruar në Komisariat, për kryerjen e veprimeve të mëtejshme procedurale. Grupi hetimor vijon punën për zbardhjen e rrethanave të kësaj ngjarjeje.
